Safari ya Rais Jakaya Kikwete nchini Oman yazaa matunda...,

 

SAFARI ya Rais Jakaya Kikwete nchini Oman imezaa matunda baada ya ujumbe wa wafanyabiashara wa nchi hiyo kutua nchini jana.

 

Lengo la ujumbe huo uliowakilishwa na watu 19 wakiwemo waziri mwenye dhamana wa nchi hiyo ni kuzindua Baraza la Ushirikiano wa Oman, Tanzania kwa masuala ya biashara ( JBC).

 

Akizungumza jijini Dar es Salaam jana, Mwenyekiti wa baraza hilo, Evarist Maembe, alisema JBC inazinduliwa kwa lengo la kuimarisha sekta ya wafanyabiashara wa nchi ya Oman na Tanzania.

 

Alisema uzinduzi huo utafanyika leo jijini Dar es Salaam ambapo ujumbre huo pia utapata fursa ya kukutana na Makamu wa Rais, Dk. Mohamed Gharib Bilal, pamoja na Waziri wa Viwanda na Biashara, Abdallah Kigoda.

Maembe alisema JBC pia itaangalia namna ya nchi hizo mbili zitakavyoshirikiana katika masuala ya huduma za kibenki, usafirishaji wa anga, wa majini, kilimo, bima na utaalamu mbalimbali.

 

“Tutakachofanya sasa baada ya baraza hili ni kuhakikisha benki zinazokuwepo nchini na kule kwao zinakuwepo, masuala ya kilimo kusafirisha mazao na namna ya utaalamu katika mambo mbalimbali ya viwanda na biashara na vitu bora vinavyofaa kusafirishwa,” alisema.

 

Ujumbe huo utakuwepo nchini kwa siku tatu, pia watakutana na Rais wa Zanzibar, Dk. Ali Mohamed Shein.

 Wafanyabiashara wa Oman wakiwa katika picha ya pamoja na balozi wa Tanzania nchini Oman Mhe.  Ali Ahmed Saleh (wa tano kushoto) na mwenyekiti wa baraza la biashara Evarist Membe (wa tatu kushoto).

 Balozi wa Oman nchini, Mhe. Ali Ahmed Saleh (kulia) na mwenyekiti wa baraza la biashara, Evarist  Membe wakitoa maelekezo kwa wageni wao kabl;a ya kuondoka Uwanja wa Ndege wa Kimataifa wa JK Nyerere.

Mwenyekiti wa Baraza la Biashara nchini, Everist Membe akiwapokea wafanyabiashara kutoka Oma

 

-