Mapema wiki hii, taarifa za kuumiza masikio zilimfikia mwanadada Peniel Mwingilwa "Penny" na kujikuta akimwaga machozi baada ya kutaarifiwa na mzee wa ukoo wake kuwa yeye na mpenzi wake Diamond ni ndugu wa damu...Taarifa kutoka kwa mtu wa karibu na familia ya Penny zimeeleza kuwa tukio hilo limezua sintofahamu kubwa kati ya pende mbili hali iliyosababisha wazee wa jadi kuingilia kati.
Aidha, imeelezwa kuwa masahibu yanayomkuta Diamond na Penny yanachangiwa na wawili hao kulila tunda lisilolika kutokana na damu zao kuwa moja...
Uchunguzi unaonesha kuwa mahusiano ya kimapenzi kati ya Penny na Diamond yaliibuka katika mazingira ya kutatanisha na tangu walipoingia katika mahusiano hayo furaha imekuwa ni ndogo kuliko majanga....
Chanzo hicho kilimweleza mwandishi wetu kuwa Penny ndo mtu wa kwanza kufikishiwa taarifa hizo mapema jumatano ya wiki hii hali iliyomfanya apoteze 'mudi' na kujikuta akitokwa na machozi...
"Haya ninayokueleza ni kweli kabisa. Inadaiwa kuwa bibi wa Diamond na bibi wa Penny ni mtu na mdogo wake, kwa hiyo familia zinajiandaa kukutana kwa ajili ya kuliweka sawa jambo hilo." Kilisema chanzo hicho bila kufafanua bibi hao ni wa upande wa kiume au upande wa kike.Endapo undugu wa Penny na Diamond utathibitika kuwa ni wa damu,kuna hatari ya laana kuwashukia wapenzi hao kwani itamaanisha kuwa nje ya penzi lao wao ni kaka na dada wa damu...
Mpaka sasa kinachofahamika ni kwamba Penny ni mwenyeji wa Tanga wakati Diamond amekuwa akifahamika kama mwenyeji wa Kigoma kutokana na mama yake kuwa na asili ya Kimanyema.
Hata hivyo, kwa upande wa baba wa Diamond kumekuwa na taarifa nyingi tofauti ambazo hazijapatiwa uthibitisho.
Penny na Diamond hawakupokea simu zao walipotafutwa kutolea ufafanuzi skendo hizo.
-Gazeti la Kiu, toleo la leo
