TBS yaendesha oparesheni kataza kuuza nguo za ndani zilizotumika ( mitumba ).....

 
Jana wafanyabiashara wa nguo za ndani wa soko la Karume hawakuimaliza vizuri siku hiyo  baada ya Shirikia la Viwango Tanzania[Tbs]kwa kushirikiana na Jeshi la Polisi Nchini kuendesha operesheni ya Kataza kuuza nguo za ndani ambazo zishatumika(mitumba).

Afisa Habari wa Shirika la Viwango Tanzania (TBS) Bi Roida aliongea na waandishi wa habari mara baada ya kukamata kwa marobota hayo ya nguo za ndani ambapo alisema wamekamata nguo hizo za ndani kwa sababu walishazipiga marufuku kuuzwa hapa nchini kwa kukosekana kwa viwango vinavyotakiwa lakini wafanyabiashara hao wamekua wakikaidi agizo hilo na kuendelea kuuza.

Marobota ya nguo za ndani jana yalipakizwa kwenye  magari ya polisi na yalielekea kituo cha polisi cha msimbazi kwa ajili ya kuteketezwa kwa moto.